Бели дрвени врати: Зошто пожолтуваат и како да ги одржувате?

Неквалитетна боја, но и грејни тела кои се наоѓаат во близина - зошто пожолтуваат белите дрвени врати и како правилно да ги одржувате?

Кога го чистиме нашиот дом, многупати забораваме на едни од површините кои најмногу ги допираме – вратите.

Како правилно да ги чистите и одржувате белите врати?

Избришете прашина и дезинфицирајте ги

Една од најлесните задачи кои треба да ги вметнете при рутината за чистење е да ги избришете вратите од прашина и да ги дезинфицирате кваките.

Искористете ги омилените марамчиња за чистење или, пак, ставете спреј за дезинфекција на мека крпа за да ги избришете сите делови со кои често сте во контакт.

Ова особено е важно во постудените месеци кога повеќе време поминуваме внатре во домот.

Миење

Не користете премногу абразивни средства при чистење на белите дрвени врати во вашиот дом. Наместо тоа, направете раствор од една лажичка сјај за миење садови во едно шише вода, и со него поминете ја површината.

Но, за секој случај, прво тестирајте на мал дел од површината на вратата за да се осигурате дека нема да имате несакана реакција со бојата.

По чистењето со овој раствор, поминете ја вратата со чиста влажна крпа, а на крај со чиста и сува крпа за да исчистите какви било траги.

Тврдокорни дамки

Понекогаш сапунот и водата не се доволно силни за да ги отстраните дамките. Ако имате навистина тврдокорни дамки, тогаш растворете бел оцет и вода. Тој е евтин, не е токсичен и е многу ефикасен. Немојте да се грижите за мирисот бидејќи испарува брзо.

Без разлика колкава и каква е дамката, важно е да не триете премногу грубо затоа што може да ја оштетите бојата и површината на вратата.

Продолжува на следната страница...