Како темелно да го исчистите фрижидерот (и колку често треба да го чистите)?

Ако забележите дека водата која доаѓа од диспензерот  на вашиот фрижидер има непријатен мирис или вкус, можеби дошло време да го исчистите. За да бидете сигурни дека ќе користите чиста вода, се препорачува овој диспензер да го чистите на секои три до шест месеци.

Тоа не е сложен процес и најверојатно веќе дома ги имате сите потребни материјали, а во продолжение погледнете ја целокупната постапка.

Што ви е потребно:

• Чиста крпа или мек сунѓер
• Мала инка
• Чиста четка за заби
• Празен сад
• Шрафцигер
• Светилка (ако има потреба)
• Материјали
• Бел алкохолен оцет
• Вода

Постапки за чистење на диспензерот за вода на фрижидерот

Пред да направите што било, исклучете го изворот на вода, за да не продолжи да излегува од диспензерот додека го чистите, па со помош на шрафцигер извадете ја завртката што ја држи бакарната цевка.

Исплакнете со бел алкохолен оцет. Всушност, оцетот е ефикасно средство за чистење, а што е многу важно е безбеден за консумирање доколку останат траги од него, што го прави најдобро решение за чистење на диспензерот за вода во фрижидерот.

Со помош на мала инка, полека истурајте две до три чаши оцет во цевката што води до диспензерот за вода. Оставете го да постои во резервоарот околу пет до десет минути. Потоа, ставете сад под дипсензерот и притиснете го копчето за да помине оцетот низ цевките. Продолжете да го притискате додека не излезе целиот оцет. На крај во мијалникот истурете го садот во кој течел оцетот.

Потоа, наполнете го садот до половина со бел оцет, па натопете чиста четка за заби и користете ја за да ги исчистите сите видливи делови од млазницата на диспензерот. Откако ќе завршите со чистење на линијата за вода и млазницата, тогаш повторно приклучете го доводот. Со помош на шрафцигер зашрафите ја бакарната цевка на своето место, па вклучете го вентилот за вода.

За да ги отстраните сите траги од оцетот, ставете сад со свежа вода и дозволете да помине низ линијата. Повторете го ова онолку пати колку што ќе имате потреба. Исплакнете добро за да се ослободите од долготрајниот вкус и мирис на оцетот.

На крај, исчистете ги сите површини околу диспанзерот и тоа со чиста крпа која е натопена во мешавина од вода и алкохолен бел оцет. Повеќето диспензери за вода во фрижидерот имаат дел кој служи да ја собира водата што капе. Отстранете го тој дел и измијте го во мијалникот.

Ако има дополнителни наслаги на него, оставете го да кисне во вода и бел алкохолен оцет. Користејќи ја четката за заби, исчистете ја фиоката и оставете ја целосно да се исуши пред да ја вратите на нејзиното место.

М. Ѓ. | Црнобело