7 работи поради кои кујната секогаш ќе ви делува хаотично

Сунѓери за садови

Експертите за микробиологија препорачуваат сунѓерите за миење садови да ги менувате на секои 2 недели.

Или уште подобро, да ги исфрлите од употреба и наместо тоа да користите сунѓери изработени од луфа или еко-сунѓери.

Отворена вратичка на машината за садови

Иако по употребата треба да ја проветрите машината за садови за да не се создава влага, бактерии и мувла, сепак вратичката не треба да ја чувате целосно отворена.

Доволно е да ја отворите само неколку сантиметри, а потоа, кога машината ќе се исуши да ја затворите.

Плетени корпи (или украси)

Кујната без украси делува празно и непривлечно. Но, плетените корпи или деталите од бамбус, на пример, не се најдобриот избор, колку и да ви се допаѓаат.

Овие предмети лесно фаќаат прашина, а поради пареата во кујната, стануваат и лепливи.

За да ги исчистите, не е доволно да ги пребришете со крпа, туку подобро е да ги измиете со топла вода и малку средство.

А за да ги исушите користете фен и никогаш не ги оставајте сами да се исушат на собна топлина.

Стари даски за сечење

Даските за сечење со текот на времето ја губат оригиналната боја, се гребат, се замирисуваат, ја губат формата.

Па кога вашата даска за сечење веќе не изгледа привлечно на око - време е да ја смените.

Или, менувајте ја еднаш годишно, а претходно, барем еднаш месечно чистете ја со лимон - врз памук исцедете неколку капки лимон и со него поминете преку даската.

Оставете ја да отстои неколку минути и преплакнете ја со топла вода.

А. Ј. | Црнобело