Трикови и совети за најчестите проблеми во кујната и домот

Отстранете го восокот од свеќи со коцка мраз и исчистете го мијалникот со средство за садови.

Непријатниот мирис во микробрановата, протечената кеса за ѓубре и дамките од масло се проблеми со кои сме се соочиле сите.

Во продолжение погледнете неколку корисни трикови за ваквите проблеми:

Коцка мраз за отстранување восок

Ако ви капне восок од свеќа, врз него ставете коцка мраз која ќе го стврдне, па восокот ќе се извади многу лесно.

Оцет за чиста микробранова печка

За да го отстраните непријатниот мирис во микробрановата печка, во неа ставете сад со 500ml вода и две лажици бел оцет.

Пуштете ја микробрановата околу пет минути, а потоа оставете ја затворена за садот да постои внатре уште малку.

Потоа само пребришете ја внатрешноста со крпа – оцетот ќе ги отстрани и мирисот, и нечистотиите.

Нишесте за масни дамки

Ако ви капне масло на подот, лесно можете да ја отстраните дамката со нишесте.

Нанесете нишесте на дамката, за да ја прекрие цела, па оставете да делува 15-20 минути.

Потоа соберете го со правосмукалка.

Хартиен бришач во корпата за впивање течности

На дното на корпата за отпадоци, ставете хартиен бришач или весник.

На овој начин, ако кесата со ѓубре претече, нема да ви се извалка корпата.

Средство за садови за чист мијалник

Средството за садови е наменето и за остатоци од масло, па најдобро е мијалникот во кујната да го чистите со него.

Продолжува на следната страница...