Трикови и совети за најчестите проблеми во кујната и домот

Пластична закачалка за фиксирана кеса за ѓубре

За да ја прицврстите кесата за ѓубре, на два спротивни краја од корпата ставете мали пластични закачалки.

Па, закачете ги рачките од кесата, како на фотката подолу.

Лак за коса за отстранување дамки од фломастер или маркер

На дамката нанесете големо количество лак за коса и нежно истријте со памук.

За истата намена можете да искористите и антибактериски гел за раце.

Трик за полесно чистење со метла

За да ги соберете и најситните нечистотии, на лопатката залепете самолеплива лента, како на фотката.

Едниот дел од лентата нека биде залепен на лопатката, а едниот на подот.

Трик за прецедување тестенини

Наместо да ризикувате да ги истурите тестенините во мијалникот, можете да ја ставите цедалката врз тенџерето (како на фотката десно), па така да ја истурите водата.

Лимон за чиста рерна

Исечете лимон на поголеми парчиња и во сад со вода исцедете дел од сокот.

Ставете ги и парчињата лимон во водата, па садот ставете го рерната.

Вклучете ја на 200 степени околу половина час. Внимавајте водата да не зоврие и да не ви претече во рерната.

Потоа, откако ќе се излади, пребришете ја со крпа.

Спирова С. | Црнобело