Мириси кои се неподносливи за стаорците (и ги бркаат од домот)

Цимет, оцет, лук – некои намирници имаат премногу силен и непријатен мирис за стаорците, па можат да ви бидат од помош.

Без разлика дали живеете во град или село, секогаш постои можност да се соочите со стаорци во домот или, пак, во гаражата и подрумот.

Стаорците, како и сите глодари, имаат одлично сетило за мирис, па можете да го искористите ова во своја полза.

Односно, постојат некои мириси кои стаорците ги мразат и можат да ги избркаат.

Дел од мирисите што се неподносливи за стаорците:

Цимет

Поради силната арома, стаорците не го сакаат циметот.

Можете да ставите цимет во прав или стапчиња во близина на местата каде што чувате храна.

Оцет

Силната арома на оцетот може да го прикрие мирисот на феромоните на стаорците.

Сите животни лачат феромони со кои ги привлекуваат другите единки од својот вид.

Измешајте оцет со неколку капки средство за садови во шише со распрскувач и нанесете го на места на коишто ќе забележите стаорци.

Масло од евкалиптус

И маслото од евкалиптус има премногу силен мирис за стаорците.

На памук ставете поголемо количество од маслото и оставете го на места на коишто сте забележале стаорци.

Лук

Подобро е да користите лук во прав. Има исто силен, ако не и поинтензивен мирис, а и ќе ви трае подолго.

Користете го слично како циметот, односно нанесете на места на коишто ви стои храна.

Лаванда

Во летните месеци, можете да ставите саксија со лаванда на места на коишто има стаорци.

Во студените денови, пак, можете да користите масло од лаванда.

Маслото користете го исто како она од евкалиптус.

Неколку совети плус за справување со стаорци:

- Важно е редовно да ги користите намирниците со силен мирис, односно да ги обновувате секогаш кога мирисот ќе испари.

- Немојте да користите состојки, како отров, кои можат да бидат штетни за вас, за вашите деца или за вашите миленици.

- Ако проблемот со стаорците излезе од контрола, не пробувајте да го решете сами, туку побарајте професионалец.

Спирова С. | Црнобело