Чести грешки поради кои апаратите во домот ви се расипуваат

Експериментирате со трикови за чистење што ги гледате онлајн и го ставате пластичниот блендер во машина за садови.

Апаратите како машина за садови, шпорет и блендер сакаме да ни траат бидејќи, реално, не се така евтини.

И, квалитетните уреди се направени да траат, но со некои грешки, сами им го скратуваме животот.

Дел од овие грешки во продолжение:

Не ги отстранувате налепниците од новите садови

Ако имате машина за садови, не заборавајте да ги отстраните налепниците од садовите пред да ги ставите внатре.

Од водата и детергентот, налепниците ќе почнат да се одлепуваат и можат да завршат во филтерот на машината.

Собирате долги влакна со правосмукалката

Ако имате мачка или куче со долго крзно, избегнувајте да ги собирате влакната со правосмукалка. Исто важи и за долги влакна од коса.

Долгите влакна можат да се заплеткаат на машината, особено ако има ротирачки делови, и да ја оштетат.

Па, најдобро е да ги соберете со рака.

Не ја перете деликатната долна облека во заштитна торбичка

Вреди да купите торбичка (или заштитна навлака) за перење долна облека бидејќи ќе ѝ го продолжите рокот на траење.

Истовремено, ќе ја заштитите и пералната од нитните на градниците и сличните метални детали кои со текот на времето можат да ја оштетат.

Го ставате блендерот во машина за садови

Некои модели на блендери е безбедно да ги ставите во машина на садови и на нивната амбалажа е нагласено тоа.

Ако немате таков блендер, секогаш е подобро да го миете рачно.

Машината за садови користи жешка вода која може да ги оштети пластиката и сечилата.

Исто така, во машина нема да се извадат сите остатоци од храна кои можеби се заглавиле под сечилата.

Продолжува на следната страница...