5 трикови со кои машината за садови ќе работи перфектно (и ќе ви трае подолго)

Редовно чистете ја и немојте да ја преполнувате бидејќи садовите нема да се измијат добро.

Кога се во прашање апаратите во домаќинството, најдобро е да ги спречите проблемите наместо потоа да трошите пари за скапи поправки.

Важно е и правилно да ги користите уредите, како машина за садови, ако сакате да бидат ефикасни.

5 трикови со кои машината за садови ќе работи перфектно:

Чистете ја редовно

Ако забележувате чуден мирис во машината за садови или дека не ги чисти садовите како што треба, можеби е време да ја исчистите.

Некои машини имаат вградена програма за да се исчистат – ако ја има на вашата, користете ја барем еднаш месечно.

Доколку не забележувате ваква опција, можете да ја пуштите празна на висока температура и да додадете оцет или сода бикарбона.

Может да побарате и средства за чистење на машината. За уште потемелно чистење, пребарајте го вашиот модел на машината за да видите како да ги извадите деловите како филтер и да ги исчистите посебно.

Користете бел оцет за бигор

Бигорот може да остави бели дамки, кои се највоочливи на стаклените садови, како чаши.

Ако средството за садови не го отстранува секогаш, на горната решетка ставете мал сад кој ќе го наполните со бел оцет, па пуштете ја машината.

Исплакнете ги многу валканите садови

Загорените тави, садовите со засушена храна и слично нема да се измијат добро само во машина.

Пред да ги ставите во машина, прво накиснете ги со вода и исплакнете ги.

Не ја преполнувајте машината

Ако ставите многу садови во машината, до некои може воопшто да не допрат водата и средството, па нема да се измијат како што треба.

Исто така, не заборавајте дека садовите треба да бидат наредени така што валканата вода ќе може да тече надолу од нив.

Односно, ако ставате чаша или длабока чинија, свртете ја надолу, а не странично.

Избришете ги садовите откако ќе заврши машината

По миењето, на садовите остануваат капки вода и токму од овие капки може да се направат дами бигор.

За да го избегнете ова, штом ќе заврши машината, извадете ги садовите и пребришете ги со микрофибер крпа.

Спирова С. | Црнобело