Кујнски сунѓери, фрижидер: Трикови за отстранување на непријатните мириси во домот

Даска за сечење

Пластичните даски се долготрајни, но обично ги впиваат мирисите. За да го отстраните мирисот, најпрво добро измијте ја со топла вода и средство за садови.

Потоа со половина лимон истријте ја површината – сокот од лимон ќе го впие мирисот и ќе ја дезинфицира даската.

Кујнски сунѓери

Важно е редовно да ги менувате кујнските сунѓери, но и да ги ставате на место каде што можат да се исушат.

За да го отстраните мирисот, пак, во сад ставете топла вода и лажица сода бикарбона, па внатре ставете го сунѓерот. Оставете го да кисне преку ноќ, па потоа само исплакнете го.

Чевли

Ако забележувате непријатен мирис во ходникот, најверојатно е од чевлите.

За да го отстраните мирисот од нив, внатре ставете сода бикарбона која ќе ја впие влагата и ќе ги уништи бактериите. Нека отстои цела ноќ, па истресете ги чевлите и исчистете ги.

На истиот начин можете да искористите и хидроген пероксид – само испрскајте ја внатрешноста на чевлите и оставете ги да се исушат.

Дрвен мебел

Ако забележувате непријатен мирис од дрвениот мебел, најпрво треба добро да го исчистите, особено внатрешниот дел. За ова можете да искористите бел оцет кој има антибактериски својства.

Потоа, во мали садови ставете кафе, песок за мачки или сода бикарбона и ставете по еден сад во секоја фиока или шкаф и оставете ги да делуваат прек ноќ. Кафето, песокот за мачки и содата бикарбона ги впиваат непријатните мириси.

Но, бидејќи дрвото лесно впива мириси, можно е овие трикови да не ви помогнат, особено ако мебелот е многу стар.

Спирова С. | Црнобело