Кујнски сунѓери, фрижидер: Трикови за отстранување на непријатните мириси во домот

За да го отстраните мирисот од пластичните садови за храна, наполнете ги со топла вода и две-три лажички сода бикарбона, па оставете ги да отстојат преку ноќ. Следното утро само измијте ги како вообичаено.

Колку и да внимаваме на хигиената во домот, со текот на времето на некои места се апсорбираат непријатни мириси.

Обично ова се места кои се поизложени на бактерии и силни мириси како од храна.

Па, како да се ослободите од непријатните мириси во домот?

Мирис од готвење

Ако ви пречи мирисот кој останува во домот по готвење, во загреана, но исклучена рерна ставете кора од портокал. Топлината ќе го ослободи мирисот од кората, па ќе добиете природен освежувач на воздухот.

Всушност, овој трик го користеле и нашите баби кои ставале лушпи на шпоретот на дрва.

Садови за храна

За да го отстраните мирисот од садовите за храна, наполнете ги со топла вода и додајте две-три лажички сода бикарбона. Оставете да отстојат преку ноќ, па измијте ги како вообичаено.

Фрижидер

Ако забележувате непријатен мирис во фрижидерот, најпрво треба да проверите да не има расипана храна и фрлете ја.

Потоа извадете сè од фрижидерот и испрскајте го со хидроген пероксид (водород пероксид), па пребришете со микрофибер крпа.

Хидрогенот ќе го отстрани непријатниот мирис, но и ќе го дезинфицира фрижидерот.

Ренде

Ако долго го користите истото ренде, и на него може да почне да се впива непријатен мирис.

За да го отстраните, само изрендајте парче двопек – лебот ќе го впие целиот мирис.

Продолжува на следната страница...