7 чести грешки што сигурно ги правите со рерната (и ризикувате да ја расипете)

Не ја чистите редовно, користите вентилатор за секоја храна и ставате хартија за печење на дното.

Во повеќето домаќинства, рерната е меѓу најкористените кујнски елементи.

Но, и покрај ова, сите правиме некои грешки за кои не сме свесни дека некогаш и ѝ го скратуваат векот на рерната.

Дел од најчестите грешки што треба да ги имате предвид:

Не ја чистите редовно

Чистењето на рерната е проблематично, но ако ја оставате валкана со месеци, ќе ви биде уште потешко.

Покрај тоа, остатоците од храна на дното и на грејачите можат да почнат да испуштаат и чад кога ќе ја вклучите.

Ако се истури храна во рерната или останат остатоци од масло, ронки и слично, исчистете ги веднаш.

Со ова рерната ќе ви биде релативно чиста, па ќе биде доволно темелно да ја чистите на неколку месеци.

Дозволувате на дното да се истура храна

Кога печете нешто што знаете дека може да протече, секогаш е добро да ставите празна тава на дното, под решетката.

Потоа ќе ви биде многу полесно да ја исчистите тавата, отколку да ја триете рерната.

Печете замрзната храна која треба прво да се одмрзне

Ако правите замрзнато месо, а не го оставите да се одмрзне, може да не се допече, па ризикувате и труење од храна.

Модерните рерни имаат опција за одмрзнување, па можете да ја искористите. Но, ако вашата рерна нема ваква опција, побезбедно ви е да го одмрзнете месото.

Користите погрешни функции

Денес рерните имаат разни опции за печење, па важно е да ги користите соодветно.

Генерално, за повеќето јадења идеална е основната опција за печење што ја загрева храната од двете страни.

Ако вашата рерна има вентилатор, имајте на ум дека кога ќе го вклучите, рерната ќе се загрее побрзо, што значи времето на готвење ќе треба да биде пократко.

Во овој случај препорачливо е и да ја пуштете рерната на пониска температура.

За само едно јадење, нема потреба да пуштате вентилатор за да не ризикувате. Но, доколку првите повеќе работи, на две или повеќе нивоа, тогаш вентилаторот ќе помогне во рамномерно распоредување на топлината, па препорачливо е да го користите.

Не ги чистите тешко достапните места

Секојпат кога ја чистите рерната, осигурете се дека ќе ги исчистите и тешко достапните места бидејќи овде се акумулираат најмногу остатоци од храна.

Не ги чистите копчињата на рерната

Неретко ги допираме копчињата на рерната откако сме допреле храна. Ова значи дека на нив остануваат безброј бактерии.

Па, не заборавајте да ги дезинфицирате редовно - најдобро да ги пребришувате по секое користење.

Ја ставате тавата со храна на дното

Веднаш по дното на рерната има грејач и затоа не е препорачливо да ставате тава со храна најдолу – токму затоа и рерните имаат решетки.

Ако тавата е залепена за дното, храната може да изгори на долниот дел.

Исто така никогаш не ставајте тава со хартија за печење на дното ниту, пак, само хартија за печење – ако хартијата го допре дното, лесно може да се запали.

Спирова С. | Црнобело