Предмети во домот кои никогаш не треба да ги чистите со вода

Ако не сте сигурни дали накитот е од чисто сребро или злато, не ризикувајте и немојте да го чистите со вода. Исто така, немојте да го пребришувате екранот на телевизорот со влажна крпа, туку купете соодветно средство.

Иако водата ни изгледа како универзално средство за чистење (или барем плакнење), некои предмети сепак никогаш не треба да ги чистите со вода.

Причината е едноставна – водата може да ги оштети, и затоа е подобро да користите соодветни средства за нив.

Па, кои предмети во домот никогаш не треба да ги чистите со вода?

Накит

Накитот од сребро и злато слободно можете да го исчистите со вода.

Но, ако не сте сигурни дали е во прашање чисто сребро или злато, или кога е бижутерија, подобро не ризикувајте.

Водата може да предизвика корозија и трајно да го оштети накитот.

Дрвени подови

Дрвените подови, како паркет, се премачкани со заштита. Но, со текот на времето оваа заштита може да се истроши.

Па, ако го чистите дрвениот под со вода, на него можат да останат дамки, а од поголемо количество дури и да се подуе или да се искриви.

За дрвени подови секогаш користете соодветно средство. Ако, пак, го мешате со вода, крпата што ја користите нека биде само влажна, а не мокра.

Кожа

Без разлика дали се чевли, колани, чанти или мебел, штом се направени од кожа, не треба да ги чистите со вода.

Водата може да остави дамки на кожата, а со текот на времето да предизвика и пукнатини.

Дрвен мебел

Исто како дрвениот под, и дрвениот мебел може да се оштети ако го чистите со вода.

Кога го чистите дрвениот мебел, прво отстранете ја прашината со микрофибер крпа, а на крај поминете со политура која чисти и делува како заштита.

Продолжува на следната страница...