Чести грешки со кои ги уништувате кујнските ножеви (и си го отежнувате готвењето)

Користите несоодветна даска за сечење

И даската за сечење има влијание врз ножот.

Најдобро е да користите даска од дрво или пластика бидејќи најмалку го оштетува ножот.

Избегнувајте ги другите материјали бидејќи се премногу тврди и можат да ги истапат, но и да ги поткршат ножевите.

Собирате храна со остриот раб

Ножот брзо ќе отапи ако ја собирате исечената храна со остриот раб.

Ова е мошне корисен трик, но секогаш користете го тапиот раб.

Не ги острите

Користењето тап нож е многу поопасно отколку користењето остар нож.

Кога ножот е тап, треба да искористите повеќе сила, со што се зголемува шансата ножот да ви се лизне и да се пресечете.

Па, не заборавајте да ги острите ножевите кога ќе забележите дека не сечат како претходно.

Не ги користите за соодветни намирници

„Класичниот“ голем нож може да се користи за многу работи – зеленчук, овошје, месо…

Но, важно е да знаете каква им е намената на сите ножеви што ги имате. На пример, големите ножеви со запци се идеални за леб.

Ако не ги користите соодветно, можно е побрзо да ги оштетите, но и да си ја отежнете работата во кујна.

Спирова С. | Црнобело