4 чекори за брзо пост-празнично чистење на домот

Кога се работи за чистење и светнување на домот, посебно по долга, непреспиена ноќ, ретко кој сака да посвети многу повеќе од половина час. Но, што ако ви кажеме дека и тоа е возможно?

Решете се од сите непотребни пребришувања, и посветете се исклучиво на темелното чистење. Еве како:

Средете ги расфрланите предмети - 5 минути

За да имате на изглед чист дом, мора пред се да ги распоредите расфрланите предмети и несредената облека.

Во дневната соба неопходна ви е една голема чинија каде ќе ги складирате сите далечински управувачи и ситници кои ќе се најдат на масата.

Голема предност има и функционалниот мебел, како што се табуретките со празна внатрешност, каде може да ги сместите весниците и книгите кои моментално ви се непотребни.

Расфрланата облека доволно е да ја закачите на една закачалка и да ја преместите во спалната соба.

Средете ја кујната - 15 минути

Најпрво наполнете ја машината за перење садови. Ослободете се од валканиот неред за да можете да продолжите понатаму.

Со влажна крпа пребришете ги сите работни површини, а за потврдокорните дамки користете мешавина од топла вода и сода бикарбона или оцет.

Избришете ја прашината по собите - 10 минути

Користете посебна крпа која ја задржува прашината, наместо бришачите со долги рачки кои само ја разлетуваат. Поминете ги полиците, телевизорот, музичките апарати и сите видни површини.

Масата и дрвените површини на брзина исполирајте ги со средство за дрво. Покривачите истресете ги, доколку сте заборавиле да го направите тоа уште рано наутро.

Исчистете ги подовите - 10 минути

Најпрво соберете ги крупните остатоци со метла или со правосмукалка. Потоа преминете на потемелно чистење.

Во млака топла вода додадете малку средство за чистење на дрвени подови или плочки, а потоа крпата и џогерот добро натопете ги. Со крпата најпрво исчистете ги тврдокорните дамки, а на крајот поминете ја целата куќа со влажен џогер.

За крај, оставете се да се исуши и распрскајте освежувач за просторот!