Зимско чистење на тепихот: 3 природни средства против дамки

Отстранувањето на дамките од тепихот во текот на зимата можеби ви се чини комплицирано, но може да го направите само во 3 чекори со помош на 3 природни средства.

zimsko-cistenje-na-tepihot-3-sredstva-protiv-damki-01

Пред да се подготвите за темелно чистење на тепихот потребно треба целиот тепих да го поминете со правосмукалка.

Трите најголеми проблеми на тепихот се: прашината залепена на тешихот, дамките и непријатниот мирис. Следниот чекор по чекор со помош на природните средства може да го доведете тепихот во ред.

1. Средство за длабинско чистење на тепихот

  • 1/2 лажица сода бикарбона
  • 10 капки етерично масло од кедар 
  • 10 капки етерично масло од лимета

Сите состојки ставете ги во пластичен сад и оставете ги да отстојат еден ден. Потоа истурете ја мешавината на целата површина  од тепихот, напрскајте го местото со чиста вода и со четка за чистење убаво истријте го тепихот и повторно поминете го со правосмукалка.

2. Средство за отстранување дамки

  • 30 ml јаболков оцет
  • 70 ml сок од лимон
  • ½ l вода
  • 1 лажица сода бикарбона
  • Неколку капки етерично масло од лаванда

Сите состојки ставете ги во еден сад и добро измешајте ги, па во нив намокрете ја четката за перење на тепихот и добро истријте ја површината на она место каде што е дамката.

Со оглед на тоа дека во мешавината има природни состојки кои не создаваат пена, тепихот не е потребно да го исперете туку само да го оставите да се исуши и уште еднаш да го поминете со правосмукалка.

3. Средство за отстранување на непријатните мириси од тепихот

  • 2 лажици природен течен сапун
  • 40 ml алкохолен оцет
  • ½ l топла вода
  • 1 лажичка боракс
  • 6 капки етерично масло од лимон
  • 3 капки етерично масло од чајно дрво

Сите состојки ставете ги во стаклен сад и добро измешајте ги. На крајот претурете го во шише и додајте ја водата. Затворете го шишето со прскалка и протресете го убаво па напрскајте ја целата површина на тепихот.

Оставете да отстои 20-ина минути па поминете го со правосмукалка.

Би можело да ве интересира:

Искрена препорака од една мајка: 5 мали апарати кои ми го олеснуваат секојдневието Неодамна во разговор со тазе мажена пријателка, на шега ѝ реков дека кога ќе се ...
15 генијални трикови за чистење и организирање на домот што веднаш ќе сакате да ги пробате Можете да го освежите тепихот со мешавина од сода бикарбона и неколку капки етер...
11 совети и трикови со кои вашата бањa ќе заблеска како нова За брзо и ефикасно чистење на завесата од кадата, испрскајте ја со средство за ч...

Најчитани неделава

sonovnik-sidebar.jpg