5 супер трикови како полесно да ја исчистите прашината во домот

Бришењето на прашината претставува вистински проблем посебно кога ги немате вистинските „алатки“. Крпата која најчесто ја користите или предизвикува само разлетување или ако се одлучите да ја потопите во вода, тогаш целата прашина останува на стаклените површини.

За среќа, постојат неколку трикови со кои полесно ќе ја отстраните прашината од домот:

1. Влажни марамчиња

Лаптопот можете наједноставно да го исчистите со употреба на влажни марамчиња. Протресете го од можни отпадоци меѓу копчињата и избришете го со влажните марамчиња. Внимавајте да не биде приклучен.

2. Омекнувач

Направете смеса од ¼ омекнувач и ¾ вода. Со оваа течност полесно ќе можете да ги бришете стаклените површини и останатите површини каде најмногу се собира прашината. Потоа уште еднаш поминете ги површините со сува крпа.

3. Меки четки за боење

Употребете ги малите меки четки за бришење и чистење на тешко достапните површини како и за ситниците.

4. Хулахопки

Употребете ги старите хулахопки за собирање на поголемите парчиња прашина кои се собираат под кујната и мебелот. Заврзете ги на обичен стап и со нив собирајте ги парчињата прашина под фрижидерот.

5. Стари чорапи

Слободно ставете некој стар чорап на вашата рака и избришете ги ролетните.