5 работи во домот кои треба да ги чистите со четка за заби

Четките за заби можат да бидат одлично помагало при чистењето на домот. Чешмите, одводот, плочките се само дел од местата кои можете темелно да ги исчистите со помош на четките за заби.

Четките за заби се идеално помагало за чистење на тешко достапните места.

Еве што можете да исчистите со нив:

1. Вентилациониот отвор на фенот за сушење на коса

Ако фенот не ви работи силно како и претходно, веројатно во вентилациониот отвор е насобрана нечистотија која ја отежнува работата на моторот. Земете чиста и сува четка за заби и со неа соберете ја нечистотијата.

2. Печката

Ако сакате темелно да ја исчистите површината на печката, потребно е да нанесете средство за чистење директно на печката и да ја чистите со мали кружни движења. Нема нечистотии и маснотии кои нема да исчезнат на овој начин.

3. Талог меѓу плочките

Во просторот меѓу плочките - фугата, често се собираат нечистотии кои не можат да се исчистат со помош на крпа или џогер. Помешајте 3,5 литри вода, со 3 до 4 лажици избелувач на база на хлор. Нанесете ја мешавината на плочките, оставете ја да отстои неколку минути, а потоа со четката за заби тријте ги фугите.

4. Чешмата

Чешмите за вода не можат едноставно да се исчистат со крпа и сунѓер, токму затоа од помош ќе ви биде четката за заби која може темелно да ги отстрани нечистотиите и бактериите кои се собираат.

5. Мијалникот и отворот за одвод

Помешајте 70g сода бикарбона и 35g обична сол. Истурете ја мешавината во мијалникот и додадете уште 2dcl загреан оцет. Добро исчистете го мијалникот и отворот за одвод со помош на четка за заби.

Н. Г. | Црнобело