10 начини како конечно да го исчистите нередот во фрижидерот

Ред во фрижидерот - уште една работа која трае 2 до 3 дена и потоа се претвора во целосен хаос во кој буквално ги губиме работите кои сме ги купиле.

Кога еднаш ќе пикнете во некое ќоше од фрижидерот, шансите да го најдете пред да му истече рокот, се навистина минимални.

За да ги избегнете овие инциденти во кои губите многу нерви и пари, обидете се да го средите нередот со некој од следните совети:

1. Храната во кесички ставете ја во големи кутии, па потоа во замрзнувач. Одвојте ја морската храна од свинското и пилешкото, замрзнатите теста од зеленчукот и овошјето...

2. Кесите замрзната храна закачете ги со штипки за документи.

3. Тубите сосови ставете ги со капачињата надоле, наредени во картон од јајца.

4. Зелениот зеленчук ставете го во различни теглички со ознака, за да не се чудите што е магдонос, а што рузмарин, нане или спанаќ.

5. Залепете магнети на пластичните садови и ќе заштедите многу простор ако ги закачите на страните од фрижидерот.

6. Исчистете го и освежете го фрижидерот со вода во која ќе ставите лимон и рузмарин. Распрскајте и ќе видите колку брзо ќе исчезнат непријатните мириси.

7. Направете една корпа со производи кои треба најбрзо да се изедат, бидејќи им истекува рокот.

8. Не ги трупајте преградите на вратата со се и сешто. Организирајте - во една нека има сосови, во друга млечни производи, во трета млеко, во четврта сокови...

9. Направете и корпа во која ќе имате грицки за кога ќе гледате филм или серија да не се чудите што да земете, па да го превртите цел фрижидер наопаку.

10. Ситните работи кои се за во замрзнувач може да ги ставите во корпи за сортирање документи и хартии.

М. Д. | Црнобело