18 трикови за чист и организиран фрижидер

Чистењето на фрижидерот е навистина макотрпна работа која се обидуваме да ја избегнеме колку можеме повеќе, но од време навреме, мораме да изгубиме барем еден час во чистење на стаклените површини, на сите мали садови...

За фрижидерот да биде подолго време чист, можеме да примениме неколку идеи за подобро организирање и средување:

1. Кујнската хартија чувајте ја близу до фрижидерот за секогаш кога нешто ќе ви капне веднаш да го исчистите, не да го оставите да се исуши.

2. Секој дел од фрижидерот покријте го со пластична подлога која лесно се чисти.

3. Или сите полици препокријте ги со хартија која не пропушта вода.

4. Пластичните садови се ваш пријател број еден, бидејќи со нив никогаш нема да имате дамки во фрижидерот.

5. Ако сакате, можете и да ги именувате сите садови во фрижидерот за да знаете каде си стојат сите производи.

6. Еден сад крстете го „Прво за јадење“ и во него чувајте ги работите на кои за брзо време треба да им измине рокот. Така нема непотребно да фрлате работи.

7. Друг сад употребувајте го за чување на здрави грицки и ужинки.

8. Садовите никогаш не ги редете во фрижидерот без соодветен капак. Посебно стаклените садови.

9. Искористените тегли можете да ги употребите за чување на салата за секој член од семејството посебно.

10. Месото и месните производи не ги чувајте во пакувањето во кое сте ги купиле, туку во посебни пластични или стаклени садови.

11. Една мала корпа треба да ви биде за јајца, посебно ако секогаш имате повеќе од 10 јајца во фрижидерот.

12. Употребете садови кои се движат за полесно да дојдете до производите кои се наредени подлабоко во фрижидерот и не се лесно достапни.

13. Или за свежи овошје и зеленчук, ако сакате да ви бидат готови за јадење во секој момент.

14. Чувајте самолеплива трака за означување веднаш до фрижидерот.

15. Виното чувајте го затворено за да бидете сигурни дека нема да претече и да остави дамки.

16. Заштедете простор во фрижидерот и путерот чувајте го во мал пластичен сад некаде во погорните полици.

17. Ако тешко помните што имате во фрижидерот, напишете си на самиот фрижидер и водете сметка за тоа што е потрошено и изедено, а што треба да се јаде.

18. Чувајте тегла активен јаглен во фрижидерот за да не се шират непријатни или силни мириси, како на пример оној од вашето омилено биено сирење или рибата.

Н. Г. | Црнобело