11 трикови кои ќе ви се најдат во секоја ситуација

Кога може работите да бидат едноставни, зошто да ги усложнуваме?

Овие 11 трикови ќе ви се најдат во секоја ситуација од животот, кога никој не може да ви понуди соодветно решение.

Како побрзо да ја исушите облеката, како да ги направите чевлите водоотпорни и уште неколку трикови кои го олеснуваат животот:

1. Водоотпорни чевли

Обичните платнени чевли премачкајте ги со восок и исушете ги со фен додека восокот не се стопи.

2. Побрзо сушење на облеката

Ако немате време да чекате облеката природно да се исуши или немате машина за сушење, направете го следното. Ставете го парчето облека во сува крпа. Замотајте ролна така што облеката ќе биде од внатрешната страна. Кренете, исцедете најсилно што можете и потоа закачете ја облеката на закачалка во близина на грејно тело.

3. Тесни чевли

Ако новите чевли ви се премногу тесни, раширете ги така што ќе ги наполните со мокри весници, колку повеќе можете. Оставете да се исушат, па отстранете ги.

4. Како да запалите оган за секунда

Наместо весник, ставете неколку парчиња чипс. Маслото и маснотиите во него се идеални за палење оган.

5. Наоѓање на ситни делчиња

Ако сте изгубиле нешто ситно низ дома и не можете да го најдете, на пример игла, послужете се со овој трик. Ставете хулахопка на правосмукалката и со неа барајте го ситното делче.

6. Шише со кое ќе пиете доволно вода

Ова е идеален начин како да останете хидрирани. Доброто е што секое пластично шише може да го означите на овој начин.

7. Отпушување на одводи

Пуштете жешка вода 1 минута, а потоа истурете 1 шолја сода бикарбона во одводот. Потоа додадете 1 шолја оцет. Оставете ја водата да тече уште некоја минута.

8. Непријатен мирис на телото

Ако ви се потроши дезодорансот или едноставно заборавивте да ставите, а не сакате да мирисате непријатно, пресечете половина лимон или портокал и истријте ги на кожата. Непријатниот мирис ќе исчезне.

9. Како мразот подолго да издржи

Ако ви требаат ладни пијалаци цела ноќ, мразот ќе остане подолго замрзнат ако во него ставите неколку зрна сол.

10. Свеж здив

Ако немате мастика при рака, секогаш добра алтернатива се јаболката.

11. Лесно отворање на теглите

Ставете ја теглата под жешка вода неколку минути, пребришете ја и потоа обидете се да ја отворите. Нема да се мачите долго.

М. Д. | Црнобело