8 едноставни домашни трикови како секогаш да имате чиста кујна

Потребни ви се само сода бикарбона, лимон, оцет и вашата кујна повторно ќе блеска како некогаш.

Готвењето понекогаш знае да биде вистинско задоволство, но чистењето потоа речиси никогаш. Остатоци од храна, тон мрсни садови и нечистотија насекаде.

Ако сакате кујната постојано да ви биде чиста, треба да практикувате некои едноставни трикови.

На лесен начин до блескава кујна:

Вратете го сјајот на металните садови

Тенџерињата и тавчињата повеќе не ви се сјајни како порано?

Наместо да купувате нови, направете смеса од сода бикарбона, хидроген пероксид и течен сапун.

Испрскајте ги садовите и оставете ги да постојат. Потоа истријте ги и исплакнете и тие ќе сјаат повторно.

Исчистете ја машината за садови

Машината за садови ви ги чисти садовите секој ден, па од време навреме треба и вие да ја исчистите неа.

Наместо со специјално средство, ова можете да го сторите со лимонова киселина. Наместо детергент ставете лимонова киселина и пуштете ја машината да работи. Таа ќе ги разгради остатоците од храна и ќе ја дезинфицира машината.

Светнете го нерѓосувачкиот челик

Апаратите од нерѓосувачки челик наместо да ги чистите со препрати, кои може да ги оштетат, исчистете ги со сода бикарбона.

Испрскајте ги целите, особено на краевите, и тријте со кружни движења со стара четкичка за заби. Ќе сјаат за неколку минути.

Освежете го воздухот

Наместо да купувате освежувач за воздух, пресечете лимон на половина и оставете го во кујната.

Просторот ќе мириса свежо и пријатно.

Исчистете ја маснотијата од микробрановата печка

Со лимонов сок поминете ја микробрановата печка. Оставете да постои пет минути и потоа избришете со крпа.

Маснотијата ќе излезе лесно.

Исчистете го тостерот

Со четкичка за заби истријте ги остатоците од храна што остануваат на тостерот.

Дури можете да го превртите и добро да го протресете за да излезат трошките и од непристапните места.

Исчистете ја дрвената даска за храна

Со текот на времето вашата даска за сечкање храна се прави со дамки. За да ја освежите користете смеса од сол и оцет.

Оставете да отстои неколку минути на проблематичните места, истријте со четкичка и исплакнете.

Светнете ги рѓосаните ножеви

Потопете ги рѓосаните ножеви во концентриран лимонов сок. По неколку минути извадете ги, избришете ги и тие ќе бидат како нови.

С. С. | Црнобело