Време за пролетна „генералка“ - како да го светнете домот во 10 лесни чекори?

Светнете ги фугите во бањата

Ништо не зборува валкан тоалет или бања како просторот меѓу плочките. Ова е ноќна мора особено доколку тие се бели. Најчесто пожолтуваат или поцрнуваат, бидејќи се собира мувла меѓу нив.

Одберете средство против мувла кое во својот состав содржи и белило, како и антибактериски својства. Напрскајте и оставете да делува според упатството.

Еве еден мал трик како да го исчистите успешно овој дел од бањата без да се преморите – користете стара електрична четка за заби. Едноставно вклучете ја и поминете низ нив, ќе бидат како нови.

Отстранете ги пајажините од ќошињата

Понекогаш премногу долго ја игнорираме ситуацијата во аглите на домот. Таму скоро секогаш се собира многу прав и пајажини, а во изговорите на нечистење спаѓаат и оние дека пајаците носат пари, па не треба се бркаат.

Сепак треба да ги отстраните, а најлесната алатка за таа цел е оваа на фотката, со подолга рачка за полесно чистење на ќошињата.

Светнете ги кујнските елементи

Многумина паѓаат во истата замка – ќе ја исчистат целата кујна, ќе ги пребришат сите работи во неа, ќе го светнат подот, а забораваат на висечките ормари и долните кујнски елементи.

Тоа нека биде последниот дел од чистењето на кујната – светнувањето на самите елементи. Користете чиста микрофибер крпа која добро ќе собира прав, наместо само да ја разнесува истата.

Исчистете ги лустерите

Качете се на скала или нешто повисоко и со сунѓер и топла вода отстранете ја правта која се насобрала на лустерите. Истото важи и за рамките на сликите, аспираторот во кујна, најчесто ги забораваме токму овие работи во домот кои најмногу привлекуваат прашина.

Светнете ги прозорците

Да, најдосадната работа, но и онаа која најлесно се забележува кога се валкани/чисти.

Најбрзиот начин на чистење прозорци: започнете со најобичен сунѓер и млака вода да го соберете најголемиот дел од нечистотијата. Продолжете со влажни марамчиња за пофините делови, жлебовите околу прозорците.

На крајот, завршете со средство за стакло кое содржи алкохол во својот состав за побрзо сушење и специјални крпи за стакло.

(О)Милена | Црнобело