Зошто пластичната фолија за храна треба да ја чуваме во замрзнувачот?

Веројатно не постои домаќинство во кое не може да најдете пластична фолија, која се покажува најкорисна за покривањето на остатоците од храната. Но, кога доаѓа моментот за нејзиното поставување над садот, тогаш ги губиме сите нерви поради нејзината лепливост.

Сепак, постои начин како да го решите овој проблем. Со овој едноставен трик ќе ја „скротите“ проѕирната фолија.

Што треба да направите? Наместо во фиоката во кујната, чувајте ја фолијата во замрзнувачот. Ниската температура ќе го намали електрицитетот на фолијата и таа нема повеќе да биде леплива.

Кога ќе ја извадите од замрзнувачот ќе можете лесно да ја замотате храната, а по кратко време таа повторно ќе стане доволно леплива да се прилепи на садот без да се одмота.

Доколку се брзате, доволно е да ја ставите фолијата 15 минути во замрзнувачот пред да ја употребите со цел да ја намалите нејзината лепливост. Но, колку подолго ја чувате во замрзнувачот–толку подобро.

(О)Милена | Црнобело