Голема грешка поради која крпите и бањарките ја губат својата впивачка моќ

Инвестиравте доста пари во квалитетни крпи за во бањата и бањарки, но по некое време забележавте дека веќе не впиваат како претходно...

Сигурно на секого му се има случено крпата за туширање само да размачкува, но не и да ја впива водата. Тоа не значи дека треба да ја фрлите крпата, туку да се запрашате дали погрешно ги перете?

Најголемата грешка е користењето омекнувач за ткаенини кога се перат фротирни крпи. Тој содржи силиконско масло кое лесно навлегува во материјалот и ја ограничува неговата впивачка моќ. Неговото хемиско име е полидиметилсилоксан и поради него чувствувате како крпите да ви се мрсни и лизгави.

Како да го решите проблемот?

Доколку сакате да користите омекнувач, обидете се да најдете таков кој не ја содржи оваа хемиска состојка. Очекувајте дека може да биде и поскап од стандардните производи.

Но, постои и поевтина варијанта, па дури и за додавање пријатен мирис. Наместо омекнувач, во преградата додадете бел оцет и перете ги крпите и бањарките вообичаено, според упатствата на етикетата.

Оцетот омекнува, го намалува електрицитетот и ги освежува алиштата. Ако сакате да добијат и пријатен мирис, постои трик и за тоа. На мала крпа капнете пет капки етерично масло со мирис по ваш избор и ставете го да се испере заедно со крпите, бањарките, па дури и фротирните прекривачи кои ги користиме во пролет и лето. Испраните крпи ќе добијат суптилен и траен мирис.

Е. Д. | Црнобело