Направете сами: Спреј за природна заштита од комарци

Колку и да не ни се допаѓа, комарците во лето се неизбежни. Иако денес можете да најдете секакви спрејови и продукти против овие здодевни инсекти, тие неретко содржат многу штетни хемикалии. 

 

Па доколку сакате поприродна варијанта, пробајте го овој генијален рецепт за спреј против комарци.

Ќе ви биде потребно многу малку време, а најважното од сè е што навистина функционира.

Состојки:

• 30 капки есенцијално масло од чајно дрво
• 10 капки есенцијално масло од здравец
• 5 до 10 капки есенцијално масло од лимон, лимонова трева, рузмарин или лаванда
• 1 лажица растителен глицерин (по желба)
• Дестилирана вода
• Шише со распрскувач (најмногу 2 децилитри)

 

Начин на подготовка:

Исчистете го шишето со распрскувач со врела вода и во него додајте ги есенцијалните масла. Додајте го и глицеринот и наполнете го шишето со вода речиси до врвот.

Затворете го шишето и добро промешајте пред употреба. Спрејот можете да го нанесувате секогаш кога има потреба.

Дополнителни совети

1. Наместо есенцијално масо од здравец, можете да употребите масло од еукалиптус.

2. Глицеринот ја негува и штити кожата од надразнување, но доколку не го сакате, нема потреба да го додавате во спрејот.

Спирова С. | Црнобело