Трикови со облека кои секоја жена треба да ги знае

Понекогаш на сите ни се потребни трикови кои ќе нè спасат во последен момент кога облеката ќе откаже послушност.

Како силиконските потпунки да не ви се гледаат преку маица, како панталоните да не ви паѓаат и уште многу други трикови собрани на едно место.

Девојки, сигурно некој од овие трикови ќе ви затреба во одреден момент:

- Ако маицата или фустанот е отворен од страните, подобро ставете ги силиконските потпунки вертикално, доколку облеката е тесна – ќе стојат и така.

- Ако фармерките се прешироки кај половината, сошијте парче ластик во делот кај коланот на задната страна.

- Елегантните и свечени лакирани штикли кои ќе ги купите за посебна пригода, ако не сакате да ви стојат еднаш облечени, може да ги претворите во секојдневни така што ќе ви стават ткаенина.

- Ако не можете да откопчате заглавен патент, поминете го со сапун и откопчувањето ќе оди полесно.

- За полесно закачување на маичките по прерамки, користете кружна закачалка – ќе заштедите простор, а маиците ќе бидат спремни за носење во секое време.

- Ако не можете да си најдете соодветен број на фармерки или сте се здебелиле, па сите ви се тесни, може да сошиете продолжено копче.

- Ако ви здодее обичниот бел изглед на патиките или се извалкале, а не сакате да ги фрлите, може да ги покриете со парче чипка и лепило со четка – ќе бидат како нови.

- Искористете пена за бричење на дамките пред да ја ставите облеката за перење.

- Ако немате заштитна вреќа за облека на закачалка, а ви е потребна, можете привремено да се снајдете со голема навлака за перница – само направете отвор на горниот дел за закачалката да помине.

- Ако сакате да го избегнете оцртувањето на интимниот дел преку панталони, исечете соодветно парче текстил и сошијте го од внатрешноста на гаќите или панталоните.

М. М. | Црнобело