Трик со кој ќе го омекнете џемперот кој ве боцка

Сигурно барем еднаш сте се заљубиле во топол џемпер на прв поглед, но и сте се разочарале кога сте го облекле и сте сфатиле дека е неудобен и боцка.

Постојаното пецкање на плетката е нешто што никој не може да го истрпи, но за среќа и за тоа постои решение.

Како што тврдат девојките кои го испробале овој трик, џемперот може да го омекнете на сличен начин како и косата.

Прво треба да го превртите наопаку, а потоа да го потопите во мешавина од вода и неколку лажици алкохолен оцет и да го оставите така 15-тина минути.

Добро исцедете и додека е уште мокар, на него нанесете поголема количина регенератор за коса. Тријте неколку минути за да ја опфатите целата површина од џемперот.

После 30 минути внимателно исплакнете и исцедете.

Ставете го џемперот да се суши на рамна површина како не би се развлекол.

Може да го ставите и во пластична кеса со патент-затворач и да го оставите во замрзнувач преку ноќ.

Кога добро ќе се исуши, облечете го и ќе ја забележите разликата.

М. Д. | Црнобело