Прашања кои треба да ги поставите пред да изнајмите стан

Потрагата по удобен и добро уреден стан, кој истовремено ќе биде парично прифатлив, е тежок предизвик при кој треба да отворите четири очи.

Без оглед на тоа колку станот ви паднал во очи, не се залетувајте. Естетиката е важна, но не е пресудна.

За почеток, заинтересирајте се за договорот. Тоа ви е одлична шанса да ги заштитите своите права како станар под наем и да ги прецизирате деталите и условите на користење, но и вашите обврски кон сопственикот.

Договорот задолжително мора да има: точна сума, рокови и начин на плаќање, траење на закупот, името на лицето кое ќе живее во станот, името на лицето на кое се води станот, како и под кои услови ќе се регулираат тековните поправки во станот, отказен рок и слично...

Основни прашања кои треба да ги поставите, а многумина ги игнорираат при изнајмување на стан:

- Дали сите цевки во станот се во ред?

- Дали сите уреди се исправни?

- Колкави се сметките за струја, интернет, вода, централно греење и слични додатоци кои доаѓаат заедно со станот?

- Во каква состојба е мебелот?

- Каква е звучната изолација?

- Дали во станот имало проблем со штети претходно?

- Дали издавачот има посебни очекувања?

- Дали издавачот смета дека е во ред било кога да се појави ненајавен?

- Колку е безбеден станот, зградата, околината?

- Каков е ставот на издавачот за миленичиња?

Што би додале на листата? Што вам ви е важно или ви било пресудно за да го изнајмите станот или не? Помогнете им на неискусните во коментари.