Како правилно да го исперете костимот за капење без да го оштетите?

Сигурно имате барем еден костим за капење што не го носите бидејќи ја изгубил првобитната боја. За ова, најчесто виновен е начинот на перење.

Па, како правилно да го исперете костимот за капење?

Исперете го веднаш после користење

Дури и ако само сте се сончале, кога ќе се вратите од плажа или базен, веднаш исперете го костимот. Кремите за сончање можат да ја оштетат ткаенината и да направат дамки, па важно е да ги отстраните.

Ако сте биле во базен, пак, хлорот дополнително ќе го оштети костимот.

Перете го на рака со нежен детергент

Никогаш немојте да го перете костимот во машина и секогаш користете детергент за деликатна ткаенина.

Како да го исперете?

Наполнете го мијалникот или една кофа со студена вода и додајте малку прашок или вински оцет.

Оставете го костимот во вода 30-тина минути, а потоа исплакнете го со ладна вода.

Немојте да го цедите костимот со силни стискања, бидејќи можете да ја оштетите ткаенината, но и да го растегнете. На крај, оставете го да се суши под сенка – сончевите зраци можат да предизвикаат дополнително оштетување.

Спирова С. | Црнобело