Предмети во домот кои не треба да ги чистите со сода бикарбона

Сигурно веќе знаете дека сода бикарбоната е одлична за чистење одредени предмети во домот. Сепак, во некои ситуации не е препорачливо да ја користите.

Сода бикарбоната може да биде премногу агресивна за некои материјали како, на пример, стакло, па ако не сте внимателни можете да направите гребаници на предметот.

Затоа, погледнете за кои работи е најдобро да не користите сода бикарбона:

Стакло

Можеби сода бикарбоната добро ги отстранува дамките од прозорците, но бидејќи има абразивни својства, постои ризик да ги оштети. Ако сакате поприродно средство за чистење прозорци, подобро е да користите раствор од оцет и вода.

Алуминиум

Ако ги чистите садовите од алуминиум со сода бикарбона, осигурете се дека добро ќе ги исплакнете со многу вода. Причината е тоа што сода бикарбоната може да предизвика оксидација на алуминиумот.

Шпорет со керамичка плотна

Слично како со стаклото, сода бикарбоната може да ја оштети и керамичката плотна на шпоретот, но и да остави бели траги врз неа. И во овој случај, подобро е да користите раствор од вода и оцет.

Мермерни површини

Сода бикарбоната може да биде штетна и за мермерните површини, па најдобро е да избегнувате да ги чистите со неа.

Дрвени површини

Сода бикарбоната може да го оштети заштитниот слој, односно лакот на дрвените површини.

Спирова С. | Црнобело