Најнечистите предмети од секоја соба во вашиот дом + како да ги одржувате

Далечинскиот управувач? Навлаката на перницата на која спиете? Кои се најнечистите предмети во вашиот дом и колку често треба да ги чистите/перете?

Бејли Карсон е експерт за хигиена, а има и своја компанија за одржување на домаќинства „Angy“.

Таа открива кои места имаат најмногу бактерии во секоја соба од вашиот дом и советува на нив да им обрнете поголемо внимание при чистењето.

Во кујната гнездо на бактерии е сунѓерчето за садови, на него може да има повеќе од 400 видови на бактерии.

Карсон советува да го менувате сунѓерчето на една, две седмици, дури и на око да ви изгледа дека е чисто.

Во дневната соба најнечист е далечинскиот управувач

Советот од Карсон е дека мора да го чистите секој ден или барем на неколку дена со раствор со разреден алкохол.

Во тоалетот килимчето ви е понечисто од тоалетната школка

На него газите по секое туширање и вишокот вода капе, па се создава мувла. Исто така, на него летаат и бактерии од тоалетната шолја кога пуштате вода. Килимчето треба да го перете на неколку месеци за да не се собираат бактерии на него, па дури и почесто.

Во спалната најнечисто нешто е навлаката на вашата перница за спиење

На неа може да се соберат милиони бактерии по само една недела спиење. Треба да ја менувате навлаката најмалку еднаш неделно.

С. С. | Црнобело