Наместо „генералка“ пред празниците – што да правите секој месец од годината за беспрекорно среден дом?

Јули – хобија

Ако сакате да свирите, веројатно имате расфрлано книги со ноти. Ако сакате да читате, сигурно имате куп книги кои никогаш не сте ги средиле.

Во јули фокусирајте се на предметите што ги користите за вашите хобија – ослободете се од оние што не ви требаат и добро организирајте ги останатите.

Август – крпи и постелнини

Извадете ги сите крпи и постелнини и добро размислете кои се веќе многу истрошени и искинати.

Старите крпи и постелнини можете да си ги користите за бришење прашина низ домот, а оние кои не се во многу лоша состојба можете и да ги донирате.

Септември – биро/домашна канцеларија

Средете ги сите тетратки, документи, сметки и слично. Обрнете внимание и на канцеларискиот прибор – слободно фрлете ги работите што ги немате допрено неколку месеци.

Добро би било да си го средите и компјутерот, односно избришете ги програмите и фајловите што не ви требаат и проверете што сè имате внатре.

Октомври – зимска облека

Она што го направивте во април за летната облека, сега направете го за зимската. Донирајте ги сите парчиња што не ги носите, а останатите средете ги во гардероберот.

Сега летната облека складирајте ја во кутии и вреќи и тргнете ја настрана.

Ноември – новогодишно украсување

Во ноември повторно извадете ги новогодишните украси, докупете го она што ви треба и можете да го украсите домот.

Декември – релаксирајте се и уживајте во средениот дом

Во декември само подгответе се за празничната сезона и дозволете си вистински да уживате наместо да ве фаќа паника.

Спирова С. | Црнобело