10 грешки што ги правиме сите во кујната, а му штетат на нашето здравје

Користите дрвена даска за сечење

Многу е потешко темелно да ја исчистите дрвената даска за сечење, па во неа можат да се насоберат остатоци од храна, а поради тоа да се соберат и бактерии.

Од друга страна, пластичните даски се многу полесни за миење и дезинфекција, па најдобро купете таква.

Чекате храната целосно да се излади за да ја ставите во фрижидер

Ако чекате два часа да се излади некое јадење за потоа да го ставите во фрижидер, не си правите никаква услуга.

Тие два часа се сосема доволни во храната да се развијат бактерии.

Почекајте не повеќе од 20 минути, колку храната да не биде врела, па да ја ставите во фрижидер.

Одмрзнувате храна на собна температура

И во овој случај проблем се бактериите кои можат да се развијат или да завршат на храната што ја размрзнувате.

Ако не можете да ја размрзнете храната во рерна или микробранова, подобро оставете ја во фрижидерот. Можеби ќе треба да почекате повеќе, но ќе избегнете потенцијални проблеми.

Брзате кога пазарите

Кога купувате овошје, зеленчук, па и месо, не брзајте со изборот. Добро погледнете дали храната е свежа, дали има промени во бојата, дали има мувла или што било сомнително.

А, пред да ја јадете храната, темелно измијте ја, дури и ако станува збор за спакуван зеленчук.

Ја заборавате крпата покрај мијалникот

Веројатно ви е јасно дека влагата создава совршена околина за бактерии. Ако ја оставите кујнската крпа влажна, а потоа ги избришете рацете со неа, сите бактерии ќе завршат на вас.

Па, немојте да ја заборавате крпата покрај мијалникот и чувајте ја на суво место. Ако е премногу влажна, заменете ја со нова.

Спирова С. | Црнобело