7 домаќински трикови од луѓето чиј дом секогаш мириса прекрасно

Мирисливите свеќи не само што создаваат пријатна атмосфера, туку можат и да ги неутрализираат непријатните мирис во тоалетот, мирисот во шкафчето со чевли неутрализирајте го со сушено каранфилче. 

Дури и по темелно чистење, во домот можат да се појават разни непријатни мириси. Обично овие мириси се „впиени“ во корпата за отпадоци, микробрановата печка и слично, па се малку потешки за отстранување.

Мирисите можат да останат и во темелно исчистените пластични садови за храна, па и даската за сечење.

Што можете да направите за да ги отстраните?

Каранфилче за непријатниот мирис од чевлите

Непријатниот мирис во чевлите може да предизвика непријатен мирис и во ходникот или шкафчето. За да се ослободите од него може да ви помогне сушеното каранфилче.

Во тенка ткаенина ставете неколку каранфилчиња, заврзете ја ткаенината и ставете ја во чевлите. По неколку часа, каранфилчето ќе апсорбира дел од влажноста и ќе ослободи пријатен мирис.

А, за да го избегнете настанувањето на непријатниот мирис, немојте да ги носите чевлите без чорапи.

Свеќа во тоалетот

Мирисливите свеќи не само што создаваат пријатна атмосфера, туку можат да го неутрализираат непријатните мирис во тоалетот.

Па, кога одите во тоалет, запалете свеќа и, секако, не заборавајте да ја изгасите откако ќе излезете.

Освежувач за автомобили во корпата за отпадоци

За да ги неутрализирате непријатните мириси од корпата за отпадоци, на дното под ќесата ставете освежувач за автомобили.

Секако, важно е и редовно да ја миете корпата.

Лушпа од мандарина за микробрановата печка

За да се ослободите од непријатниот мирис, наполнете сад со малку вода и ставете лушпи од мандарина. Ставете го садот во микробрановата и пуштете ја на пониска температура околу една минута.

Истото можете да го направите и со рерната.

Оцет и јаболка за даската за сечење

Даската за сечење лесно ги апсорбира мирисите од храната што ја сечете и некогаш миењето не е доволно за да ги отстранете.

Откако ќе ја измиете даската, исчистете ја со бел оцет, па повторно исплакнете ја. Потоа изрендајте едно јаболко, ставете го врз даската, оставете да отстои 10-тина минути, па темелно измијте ја.

Јаболкото ќе апсорбира дел од останатите мириси.

Паста за заби за пластични садови

За да го отстраните мирисот од храна од пластичните садови, откако ќе ги измиете, истријте ги со мало количество паста за заби.

Потоа измијте ги уште еднаш со средство за садови.

Лимон за мирис од риба

За да го намалите непријатниот мирис кога готвите риба, приготвите ја со нешто кисело, како лимон.

Киселината ќе создаде реакција со состојките што се делумно одговорни за непријатниот мирис и ќе го намали.

Спирова С. | Црнобело