6 генијални трикови со кои ќе се спасите од неред во домот и чистењето ќе биде полесно

Стаклените шишиња со тесен отвор можете да ги исчистите со ориз – во нив ставете малку ориз, вода и средство за садови, протресете ги и зрната ориз ќе ги отстранат нечистотиите.

Никој не ги сака домашните обврски кои, за жал, се неизбежни.

Па, веројатно ќе ве интересира како можете да си олеснете некои работи и што можете да направите за да ги завршите побрзо.

Во продолжение неколку трикови што ќе ви помогнат во тоа:

Исчистете ги шишињата со ориз

Стаклените шишиња со тесен отвор е речиси невозможно да ги исчистите, освен ако не користите ориз.

Едноставно, ставете ориз, вода и средство за садови во шишето и протресете го – зрната ориз ќе ги отстранат нечистотиите.

Потоа само добро исплакнете со вода.

Ставете вреќа во кутијата за песок на мачката

За да не мора постојано да ја чистите кутијата со песок на вашата мачка, пред да го ставите песокот, ставете голема вреќа.

Па, кога ќе треба да го замените целиот песок, само соберете го со вреќата.

Исчистете ги растенијата со градинарска ракавица

Важно е да ја бришете прашината од вашите растенија, но кај оние со помали листови ова може да биде проблематично.

Затоа, наместо крпа, многу подобро е да користите градинарска ракавица бидејќи со неа полесно ќе ги избришете и најмалите ливчиња.

Собирајте ги малите играчки со метла

Коцките и сличните ситни играчки можете лесно да си соберете со метла и лопатка.

Секако, осигурете се дека метлата и лопатката ќе бидат чисти.

Ставете черга под полицата со чевли

Дури и внимателно да ги исчистите чевлите на чергата пред вратата, на нив сепак ќе останат прашина и нечистотии.

Овие нечистотии, пак, ќе завршат на подот во вашиот ходник.

За да го спречите разлетувањето на прашината од чевлите, под полицата ставете обична черга или друга подлога која ќе ја „впива“.

Ставете чергичка од двете страни на влезната врата

Уште еден трик за справувањето со нечистотиите од надвор. Кога ќе ставите две черги, на некој начин двапати ќе ги исчистите чевлите, па ќе го намалите нередот што се создава со нив. 

Спирова С. | Црнобело