9 домаќински трикови од времето на нашите баби (кои ќе ни бидат од корист и денес)

Денес може да најдеме средства и уреди за секаква употреба, но порано домаќинките морале да се снаоѓаат и сами да измислуваат трикови кои ќе им го олеснат секојдневието.

Понекогаш овие трикови кои се користеле во минатото се многу поефективни, па добро е да ги знаеме и да ги пробаме.

Лупење морков без алатка, чистење шпорет без готово средство, правење лебни трошки кога немате презла  и уште неколку трикови кои треба да ги имате на ум за во кујна или низ домот.

Погледнете дел од нив во продолжение:

Чистете ги дамките од шпоретот со сол

Ако имате од старите шпорети, по готвењето, околу ринглите нанесете тенок слој сол, а кога ќе се излади избришете ја солта со крпа и дамките ќе исчезнат без да се залепат.

Ако немате острач за нож, наострете го од долниот дел на порцеланска чинија

Излупете морков со помош на нова жица за садови

Направете лебни трошки така што ќе изрендате претходно замрзнат леб

Ставете парчиња памук на врвот од ноктите за да не ви се кинат ракавиците

Ако ви се скрши јајце на под, истурете сол и оставете 5 минути па соберете со метла наместо да се мачите додека е течно.

Лукот нема да ја изгуби свежината и вкусот ако го чувате во кутија со сол

Волнената облека сушете ја со помош на стари хулахопки

Горниот дел од хулахопките ставете го низ вратот на блузата, а ногавиците протнете ги низ ракавите и така закачете ја блузата на сушење за да не се уништи формата.

Чворот на врвците полесно ќе го одврзете ако претходно наросите бебешка пудра

М. М. | Црнобело