Совети за патување кои ќе ви заштедат време и енергија ова лето

Можете да ја испеглате облеката со пареа, а во куферот ќе ви собере многу повеќе облека како ја завиткате во ролна наместо да ја диплите.

soveti-za-patuvanje-koi-kje-vi-zashtedat-vreme-i-energija-ova-leto-01.jpg

Иако сите уживаме да патуваме, факт е дека целото искуство може да биде и многу стресно. Како ќе спакувате сè, па дали сте спакувале сè, каква соба ќе ве пречека…

Што значи, советите за патување се секогаш добредојдени.

Во продолжение 7 совети за патување што ќе ви заштедат време и енергија:

Спакувајте ги чевлите со капа за туширање

Ако немате време да ги чистите ѓоновите на чевлите, доволно е да ги ставите во капа за туширање како на фотографијата подолу.

Вака без проблем ќе можете да ги спакувате без да ги извалкате другите работи во куферот.

soveti-za-patuvanje-koi-kje-vi-zashtedat-vreme-i-energija-ova-leto-02.jpg

Спакувајте ја облеката во ролни, наместо да ја диплите

Овој трик можеби нема да функционира за подебели парчиња како џемпери, но е одличен за лето.

Маичките, пижамите и сите парчиња можете да ги завиткате во ролна наместо да ги диплите. На овој начин облеката ќе зафаќа помалку место.

soveti-za-patuvanje-koi-kje-vi-zashtedat-vreme-i-energija-ova-leto-03.jpg

Темелно измијте ги чашите и садовите во собата пред да ги користите

Ако сте во хотел, бидете сигурни дека чашите најверојатно не се дезинфицирани.

Дури и ако сте во стан или куќа, темелно мијте ги сите садови пред употреба бидејќи не можете да бидете сигурни дали се добро измиени.

soveti-za-patuvanje-koi-kje-vi-zashtedat-vreme-i-energija-ova-leto-04.jpg

Во хотелот прво проверете ги излезите за итни случаи

Никој не сака да мисли на потенцијалните опасности за време на одмор, но секогаш е подобро да бидете подготвени.

Затоа, кога ќе стигнете во хотелот, одвојте некоја минута за да ги проверите излезите за итни случаи.

soveti-za-patuvanje-koi-kje-vi-zashtedat-vreme-i-energija-ova-leto-05.jpg

Секогаш носете фластер

Малите незгоди, како потсечен прст или изгребано колено, се честа појава, особено ако имате мали деца. А, во овие ситуации фластерот може да биде вистински спасител.

Покрај тоа, ако имате мали деца, можете да ги покриете штекерите во собата со фластер за да бидете сигурни дека нема да ги допираат.

soveti-za-patuvanje-koi-kje-vi-zashtedat-vreme-i-energija-ova-leto-06.jpg

Испеглајте ја облеката со пареа

Сигурно нема да „влечете“ пегла за облека кога одите на одмор, но во куферот многу парчиња можат лесно да се истуткаат.

Можете да го решите овој проблем без пегла – закачете ја облеката во тоалетот и пуштете многу жешка вода за да се направи пареа во целата просторија и оставете ја внатре некој период.

Имајте на ум дека со овој трик нема да ја испеглате облеката како со пегла, но сепак ќе забележите разлика.

soveti-za-patuvanje-koi-kje-vi-zashtedat-vreme-i-energija-ova-leto-07.jpg

Шолја за кафе наместо звучник

Можете малку да го засилите звукот на вашиот телефон ако го ставите во шолја.

Во овој случај важно е звучниците на телефонот да бидат внатре во шолјата.

soveti-za-patuvanje-koi-kje-vi-zashtedat-vreme-i-energija-ova-leto-08.jpg

Спирова С. | Црнобело

Би можело да ве интересира:

Како да се мотивирате почесто да го чистите домот? Ако имате многу простории за чистење, направете список на соби. Овој список може...
Трикови за перење облека и отстранување дамки од нашите баби кои ќе ви се најдат Знаевте ли дека некои дамки се отстрануваат со обична креда, па и со пена за бри...
Не земајте риба со силен мирис и уште 8 совети како да изберете свежи намирници Како да изберете банани што немаат „брашнест“ вкус, да најдете лимони полни со с...

Најчитани неделава

sonovnik-sidebar.jpg