Грешки со кои ги уништувате електричните уреди (и го зголемувате ризикот од пожар)

Не ја исклучувате микробрановата печка од струја

Кога е вклучена во струја, микробрановата печка троши струја (најмногу за дигиталниот часовник), но ова е минимално количество и не прави скоро никаква разлика во сметката.

Но сепак, ако станува збор за постар модел, можно е да настане спој ако е вклучена во струја и да предизвика пожар.

Затоа, ако не планирате да ја користите, најдобро е да ја исклучите од струја.

Не го чистите филтерот на фенот

Фенот со затнат филтер може да предизвика сериозна штета.

Ако на филтерот се имаат акумулирано прашина и влакна, фенот не може да си ја регулира температурата, па ќе почне да се загрева.

Ова ќе му го скрати рокот на траење, а може да предизвика и пожар.

Вклучувате многу уреди на еден продолжен кабел

Морате да бидете внимателни со продолжените кабли ако сакате да избегнете пожар.

Немојте одеднаш да вклучувате многу уреди, никогаш немојте да ги користите надвор и немојте да приклучувате еден продолжен кабел на друг.

Користите продолжени кабли и додатни приклучоци за несоодветни уреди

Уредите кои трошат повеќе струја никогаш не треба да бидат приклучени на продолжен кабел или додатен приклучок.

Овде спаѓаат уреди како фрижидери, шпорети, микробранови печки и греалки.

Ако морате да користите продолжен кабел, набавете поиздржливи продолжени кабли и задолжително консултирајте се со професионалец.

Спирова С. | Црнобело