Грешки со кои ги уништувате електричните уреди (и го зголемувате ризикот од пожар)

Никако немојте да користите продолжен кабел за уреди кои трошат многу струја, како шпорет, фрижидер или греалка.

Електричните инсталации во нашите домови се безбедни за употреба, но ова не значи дека не треба да обрнеме внимание на некои детали.

Ако не чистите одредени уреди или ако не внимавате колку уреди приклучувате на еден кабел или штекер, лесно можете да ги расипете, па дури и да предизвикате пожар.

Кои грешки треба да ги избегнувате?

Ставате премногу детергенти во машината за перење

Ако ставите повеќе прашок или омекнувач не значи дека вашата облека ќе биде почиста.

Наместо тоа, детергентите нема да се исплакнат добро, а и можно е да се наталожат во машината.

Најбезбедно е секогаш да ги следите инструкциите на амбалажата од прашокот и омекнувачот.

Не ја чистите рерната

Веројатно не постои личност што ја чисти рерната секоја недела, но препорачливо е да ја чистите барем на секои 2-3 месеци.

Маснотиите и остатоците од храна што се таложат во рерната можат да бидат штетни – ако има многу, кога ќе ја вклучите рерната ќе почнат да испаруваат.

Покрај тоа, ако рерната не е исчистена многу долго време, остатоците во неа можат и да се запалат.

Не ги чистите филтрите на аспираторот

Ако сакат аспираторот да работи како што треба, мора редовно да ги чистите филтрите. Кога, пак, на нив ќе почнат да се прават дамки кои не се отстрануваат, тогаш ќе треба и да ги замените со нови.

Не го чистите тостерот за двопек

Ронките што остануваат во тостерот лесно можат да се запалат и да направат огромна штета.

А, дури и да не дојде до пожар, можат да предизвикаат прегревање на уредот, па тој побрзо да се расипе.

Продолжува на следната страница...