9 грешки со кои несвесно разнесувате бактерии низ целиот дом (речиси секој ден)

Отворате работи со забите

Многумина имаат навика да ги користат забите наместо ножици за отворање разни работи.

Но, имајте на ум дека со ова не само што ги оштетувате забите, туку и ги пренесувате сите бактерии во вашата уста.

А, никогаш не знаете како и каде бил складиран некој продукт пред да го купите.

Не ги бришете бравите и кваките

Многумина забораваат да ги дезинфицираат кваките и бравите во домот, но ова е голема грешка.

Дури и ако се измиете раце веднаш откако ќе си дојдете дома, ако не ја дезинфицирате кваката, бактериите од надвор повторно ќе се најдат на вашите дланки.

Препорачливо е да ги дезинфицирате кваките секој ден. Ако ве мрзи, не мора да ги бришете, туку барем испрскајте ги со алкохол.

Ги чистите домот во погрешен редослед

Најефикасно ќе го исчистите домот ако почнете од горе.

Односно, прво избришете прашина, исчистете ги прозорците и слично, а исчистете го подот дури на крајот.

Ако правите обратно, прашината што ќе ја чистите ќе заврши на подот, па залудно сте го метеле.

Пуштате вода во тоалетната школка со кренат капак

Поради брзото движење на водата, низ воздухот се разлетуваат ситни честички од тоалетната школка. Овие честички можат да содржат секакви бактерии.

Затоа е препорачливо да го затворите капакот кога пуштате вода.

Не ги отстранувате влакната од чешелот

Важно е да ги отстранувате влакната од чешелот и четката по секое чешлање, а барем еднаш неделно темелно да ги исчистите.

Ако ги оставате влакната, четката ќе стане погодно место за развој на бактерии и габи.

Спирова С. | Црнобело