9 грешки со кои несвесно разнесувате бактерии низ целиот дом (речиси секој ден)

Дали пуштате вода во тоалетната школка со кренат капак? А, дали заборавате да ги исчистите кваките во домот?

Дури и ако одржувате беспрекорна хигиена во домот, веројатно правите некоја грешка со која несвесно разнесувате бактерии насекаде.

Во продолжение најчестите вакви грешки:

Не ја чистите микробрановата печка

Можеби микробрановата не се валка лесно колку рерната, но тоа не значи дека во неа нема бактерии.

Важно е редовно да ја чистите микробрановата, околу еднаш неделно, а не само кога ќе забележите дека во неа има дамки од храна и пијалаци.

Користите тврд сапун

Во овој случај проблемот е садот во којшто стои сапунот. Бидејќи речиси постојано е влажен, внатре можат да се развијат секакви бактерии.

Не мора да почнете користите течен сапун доколку не сакате, но барем купете сад кој ќе му овозможи на сапунот да се исуши. Истовремено, редовно чистете го садот и не заборавајте да ја истурате водата од него.

Ги сушите рацете со сушач за раце

Сушачите со топол воздух ги сушат рацете навистина брзо. Но, со дувањето разнесуваат бактерии насекаде – не само на вашите дланки, туку и на вашата облека.

Затоа, секогаш подобро е да ги избришете рацете со хартија или крпа.

Немате посебни крпи во домот

Колку и да ја чистите бањата, високата влажност во неа значи дека секогаш ќе има повеќе бактерии.

Кога станува збор за крпите за раце, препорачливо е секој во домот да си има своја крпа.

Ако сите се бришат со иста крпа, таа ќе нема време да се исуши, па ќе стане погодно место за развој на бактерии.

Нормално, ова важи и за крпите за лице, како и за бањарките.

Продолжува на следната страница...