8 растенија што го прочистуваат воздухот во домот - ќе ни бидат потребни сезонава

Како што доаѓаат постудените месеци, во повеќето градови кај нас се јавува и проблемот со загадувањето. А, ова загадување на воздухот може да биде причина за секакви здравствени проблеми.

Секогаш можете да купите прочистувач на воздухот, но неретко овие направи имаат превисока цена. За среќа, некои растенија можат да бидат одлична замена за нив или пак, дополнително средство за прочистување.

Повеќето од овие растенија не бараат некоја посебна грижа, а можат значително да го подобрат квалитетот на воздухот во вашиот дом.

Погледнете кои растенија ќе ви помогнат да го прочистите воздухот во домот:

Зелен лилјан или хлорофитум (лат. Chlorophytum)

Според едно истражување, зелениот лилјан е можеби најдоброто растение за навлажнување и прочистување на воздухот. Уште подобро е што растението не бара многу грижа, па е одлично за оние кои немаат многу искуство.

Красула (лат. Crassula)

Во истото истражување се наведува дека и ова растение е одлично за воздухот во домот. Красулата е вид сукулент и сака светлина, па можете да го чувате покрај прозорецот. Во пролет и лето потребно му е многу наводнување, а во студените месеци наводнувајте го само откако ќе се исуши почвата во саксијата.

Папрат лат. Nephrolepis)

Постојат неколку видови папрат, а оној од родот Nephrolepis e најдобар за прочистување на воздухот. Истовремено, ова растение ја зголемува и влажноста на воздухот. Растението може да вирее и во помалку осветлена просторија, а бара редовно наводнување.

Англиски бршлен (лат. Hedera helix)

Англискиот бршлен го филтрира воздухот и ја зголемува влажноста во просторијата. Само, доколку чувате милениче држете го понастрана од него, бидејќи листовите можат да бидат отровни. Бршленот не бара многу наводнување и не му треба директна сончева светлина.

Продолжува на следната страница...