На гости кај Игор Митровиќ: Модерен стан од 65m2 во Аеродром со лед осветлување во сите простории (фото)

Во кујната имам многу простор, и дури сè уште неколку фиоки и елементи ми се празни внатре.

Ми се допаѓа многу што во кујната има прозорец од тераса и секогаш кога готвам го отворам за да се луфтира. Има 2 врати преку коишто може да се излезе на тераса, една е од кујната, а другата е од дневната.

Сликите коишто се во станот, а сè уште треба да ставам, ми се од Танзанија, со појак колорит за да ја разбие монотонија со сивиот мебел.

Исто така, бидејќи многу ја сакам Африка како континент, и сликите ми будат убави спомени од времето кога живеев таму, речиси 3 години.

Се плашев дали ќе се вклопат со модерниот и минималистички стил, меѓутоа непотребно се плашев, бидејќи одлично се вклопија.

Во гостинското веце имам и голем плакар, којшто го користам како шпајз, а во тоалетот имам големо огледало, туш-кабина со масажер, кој секојдневно го користам после одење на лента/вежбање.

Терасата за летно време е идеална. Имам отворен поглед кон зеленило – дрвја и подалеку згради. Се надевам нема да се изгради зграда, веднаш до мојата, за да ми го скријат преубавиот поглед.

Ова лето планирам да ја средам терасата, да ставам тенда за ветерот, кој го има само понекогаш, и рачно и по мерка да се изработи плетен мебел каде што ќе може да се легне и седне и да биде удобно, бидејќи сега користам столици и подолго од 1 час веќе не е премногу згодно да се седи.

Изработката на сите елементи е од медијапан и дрво“.

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело