На гости кај Анастасија: Стан од 90m2 во скопската населба Карпош 4 со многу дрво и топли тонови (фото)

Детали

сабота, 19 август 2023

„Омилени детали ми се автентичниот ретро аналоген аудио систем сместен на интересен начин во библиотеката и стаклениот бар со смарт лед светло, постојано надополнуван од некој вкусен пијалак“, вели за CRNOBELO.com Анастасија Точевска (29), по струка мрежен инженер за информатика.

Анастасија Точевска (29), по струка мрежен инженер за информатика, моментално на позиција како Сениор ИТ проект менаџер, живее во стан од 90m2, во Карпош 4, со преубав поглед на Водно.

За уредувањето на нејзиниот дом Анастасија споделува за CRNOBELO.com:

„Прекрасно е чувството кога нешто правиш од почеток и го правиш сам.

Дизајнот на ентериерот го препуштив во целост на архитектот проектант Андреј Клинчаров, со комплетна доверба во неговиот вкус, дека ќе остави сопствен траг, воедно запазувајќи ги моите замисли.

Во станот преовладуваат природни земјени бои со мали детали на контрастни бои.

Дрвото е најзастапено низ целиот стан, кое секогаш го дава чувството на топлина.

Стилот не може да се дефинира како еден засебен правец, овој стан е комбинација на неколку, па би рекла модерен бохо нордиски стил, но најбитното е запазено, да е „cozy“ (топло и пријатно) и да дава чувство на дома.

Секако станот беше надополнет со неколку детали, отсликувајќи го мојот разновиден карактер и интереси, од филм, уметност, мотоциклизам и секако музика.

Продолжува на следната страница...