На гости кај Симона: Современ стан во Скопје со доминација на темни тонови и совршено зајдисонце (фото)

Омилен дел од домот ни е кујната во темно сива боја, во која ставивме црни апарати и црна чешма и комплетно го избегнавме иноксот како материјал.

Чешмата е магнетна, се извлекува, па го олеснува миењето на големи садови, a eмотивно катче од кујната ни е таблата со магнети, кое ни враќа убави спомени од нашите заеднички патувања.

Кујната има многу фиоки и плакарчиња, а вистински погодок е островот, од кој придобивка, покрај големата работна површина, е и просторот за складирање на безброј кујнски помагала.

Како начин за осветлување во овој простор, избравме рефлекторчиња, но и лед лента, која е погодна за поамбиентална светлина.

И во спалната соба се задржавме на истите бои во уредувањето.

Креветот е со висок потпирач од плиш во темно сина боја и доминира големото огледало на лизгачкиот плакар. 

Најпрактично катче тука ми е шминкерницата со фиока.

Продолжува на следната страница...