Ресторан во Крива Паланка е вистинска есенска бајка со хризантеми и украсни тикви (фото + видео)

Детали

среда, 15 ноември 2023

Со доминација на хризантеми во различни бои, украсни тикви и сушена пченка, сите поставени пред влезот, ресторанот „Калин камен“ во Крива Паланка изгледа како сцена од вистинска есенска бајка.

Во близина на Крива Паланка и малото езеро Калин Камен се наоѓа конакот со исто име, „Калин Камен“, кое е едно од омилените места на кривопаланчани. 

Од терасата на ресторанот има прекрасен поглед кон планините и околните шуми. Токму затоа често го посетуваат не само жителите на Крива Паланка, туку и луѓе од цела Македонија.

На почетокот на есенската сезона, сопствениците навистина се потрудиле околу уредувањето на „Калин камен“, па го претвориле во впечатливо место со пријатна атмосфера.

Во дворот на ресторанот доминираат хризантеми во различни есенски бои, украсни тикви и сушена пченка. Како сцена од есенска бајка.

Ви пренесуваме дел од атмосферата на ова интересно место:

А. Ј. | Црнобело