Во домот на Маријана во Штип: Куќа во барок стил, со златни елементи и многу новогодишни украси

Детали

сабота, 30 декември 2023

„Дневната соба ја уредивме во уникатен стил, комбинирајќи елементи на природата и раскошот. Фокусот е на тепихот од природна кожа кој внесе рустикален шарм во просторот. Барокниот мебел со златни детали додава луксузен и елегантен допир, создавајќи чувство на величественост“, вели Маријана за уредувањето на семејната куќа во Штип.

Маријана Ѓорѓиева (32) од Штип е специјализант на Пулмологија со алергологија, а работи како доктор во Итната медицинска помош во Здравствениот дом „Д-р Иван Георгиев“ во Пехчево.

Таа живее во Штип, со сопругот Мартин и 5-годишниот син Билјан, но постојано е на релација Штип - Пехчево, односно Штип – Скопје.

Бидејќи многу патува, при уредувањето на куќата тргнала од идејата дека домот треба да има посебна енергија, во која целото семејство ќе ужива и ќе се релаксира.

Во куќата на Маријана доминираат елементи во барок стил и златни детали, а одлично се вклопуваат и розовата и портокаловата боја.

Во овој период од годината тука се и новогодишните украси и прекрасната елка со светли лампиони.

За CRNOBELO.com, Маријана откри детали за уредувањето на домот: 

„Домот е таму каде што се твоите сакани. И за некого можеби нашиот живот звучи напорен, но јас можам да кажам дека никогаш не е здодевен.

Мојата професија бара посветеност, за мене здравјето на пациентите е приоритет, па токму поради тоа сметам дека домот, ентериерот и енергијата во него мора да предизвикуваат пријатно чувство за секого.

Токму затоа се одлучивме за барок стил на уредување, со примеси на винтиџ и ретро елементи.

Уредувањето беше комплетно наша идеја за која истражувавме подолго време.

Се одлучивме да преовладува барокниот стил бидејќи се карактеризира со резби, нежни линии, златни и сребрени детали, а екстремното внимание се посветува на уникатните форми.

Ова создава чувство на престиж и висока класа, без да се изгуби потребата за комфор.

Внимававме дневната соба да ја уредиме во уникатен и еклектичен стил, комбинирајќи елементи на природата и раскошот.

Фокусот е на тепихот од природна кожа, и морам да признаам дека беше идеја на мојот сопруг, а внесе рустикален шарм во просторот.

Барокниот мебел со златни детали додава луксузен и елегантен допир, создавајќи чувство на величественост.

Текстурата во крем боја на мебелот дава меко и привлечно чувство во собата, подобрувајќи ја нејзината севкупна естетика.

Така, оваа соба ги спојува природните и екстравагантни елементи, што резултира со визуелно впечатлив и софистициран амбиент.

И столбовите во куќата се изработени по наш вкус - во композитен стил со додатоци - скриено светло во плафонскиот простор и винтиџ лустер кој дава топлина на целата просторија со својата крем-розова нијанса.

Продолжува на следната страница...