На гости кај Александра: Стан во Скопје со тераса украсена како од божиќна бајка (фото)

Детали

вторник, 17 декември 2024

„Не само во домот, туку и во училиштето во кое работам, несебично декорирам за да уживаме сите. Оваа година цртав зимски мотиви на стакло“, вели одделенскиот наставник Aлександра од Скопје.

Aлександра од Скопје е дипломиран педагог и работи како одделенски наставник, а нејзиниот дом секоја година во овој период е вистинска празнична магија.

Нејзиниот стан е уреден во бохо стил, но за време на празниците таа го претвора во вистинска празнична бајка, а особено внимание ѝ посветува на терасата.

Александра за CRNOBELO.com споделува:

„И оваа година, бевме меѓу првите со китење. Во нашиот дом рано блеснаа новогодишните сијалички и декорации.

Не само во домот, туку и во училиштето во кое работам, несебично декорирам за да уживаме сите.

Нема ништо поубаво кога ќе го видам моето дете и моите ученици како се радуваат и воодушевуваат.

Оваа година тоа се изрази преку цртање зимски мотиви на стакло.

Така и дома направив една зимска бајка, преку нацртаните прозорци се гледа и новогодишниот декор на терасата.

На терасата традиционално ја задржав црвената, бела, зелена и златна боја.

Следно планирам да ги изненадам и соседите од влезот во зградата со еден подарок и да нацртам зимска приказна на прозорците и вратите од нашата зграда.

Креативноста не треба да ја чуваме во себе, најдобро влијае кога ќе излезе од нас на некое дело“.

Повеќе фотографии од домот на Александра на следната страница...