На гости кај Мартин и Маринела: Семејна куќа во Ново Село со празнично украсенa терасa (фото)

Детали

сабота, 04 јануари 2025

„Во дневната соба фокусот е на декоративниот панел, а терасата секоја година ни е празнично накитена. Во процесот се вклучени и моите родители и китиме 5 дена“, вели Мартин Стојанов (29).

Мартин Стојанов (29) работи како возач на камион и е татко на две прекрасни дечиња на возраст од 5 и 1 година.

Со сопругата Маринела живее во куќа во Штип, населба Ново Село. Куќата е со вкупна површина од 150m2, од кои катот на кој живеат е 75m2.

Домот на Мартин има тераса со убаво одбрани детали, но тоа што воодушевува најмногу е погледот кон клисурата на реката Брегалница.

Таа во празничниот период секогаш е како сцена од празнична бајка.

За уредувањето на домот Мартин споделува за CRNOBELO.com:

„Најпрво кога сме кај катот на кој живееме со сопругата, поточно во нашата дневна соба застапена е крем бојата, сивата и белата боја.

Столиците и петоседот се изработени од иста боја и материјал, додека ѕидот e со комбинација на декоративен панел и со мермерни нијанси.

Идејата за сето уредување е, како и секогаш, со помош на мојата сопруга Маринела.

Што се однесува до нашата тераса во која е вложено многу материјал и труд, тука ги вклучуваме и моите родители кои помагаат за декорирање.

Продолжува на следната страница...