Најскапата хотелска соба во Европа

Детали

понеделник, 23 април 2012

Хотелот Four Seasons Firenze во реновирана палата во срцето на Фиренца, е музеј сам по себе. Веќе три години, реставрираната Palazzo della Gherardesca...

...функционира како луксузен хотел среде оаза.

Најголемата приватна градина во Фиренца, 4,5 хектари големиот парк првично правен како ренесансна градина во 15 век и реставриран во 19 век, е полна со ретки растенија, дрва стари со векови и рид со панорамски поглед кон градот. Сите современи удобности се вметнати во архитектонското ремек дело изградено пред повеќе од 500 години, па на исто место добивате автентични фрески на таваните и личен фитнес тренер во секој дел од денот.

Овдешниот кралски апартман е веројатно најскапата хотелска соба во Европа, во секоја смисла на зборот. За околу 18 000 евра добивате керамички под, неверојатни фрески и резби во секоја просторија, луксузна мермерна бања и поглед на прекрасната градина. Кралскиот се поврзува со претседателскиот апартман, погодно за многу богата група пријатели која би сакала да се одмори во оваа ренесансна оаза.

Единствениот проблем е што меѓу утринското вежбање јога, уживкањето во прекрасниот базен и дегустацијата на превкусните специјалитети и вина тешко ќе најдете време да прошетате низ Фиренца :)